Weihnachtsgrüße

All Johr wieder isch´s so weit,
es kommt die ersehnte Stade Zeit.
Vergange isch a stenges Johr,
Zeit zum Dankschea sage stoht jetzt o.
Es isch wia allat, an wen muas ma denke,
dass ma ja koan vergisst, beim danke und schenke.
Danke ko ma gar it gnua,
Vergelt´s Gott zum sage kehrt dazua.
Doch wo fangt ma o, wo hert ma auf.
Die Sach dia nimmt so seinen Lauf.

Als erschts a Dankschea an eisr Gmoand,
dia´s in allem allat recht guat mit eis moant.
A baar mol im Johr beim Spende vom Bluat,
do helfet viel zeme, des duat fei scho guat.
Ob grille, bediene oder bache an Kuache,
beim Fescht – dia Helfar brauch mer all it lang suache.
Dia viele, dia sich it lumpe land
und nimmet für eis oh mol a Geld in´d Hand.
Über Rat und Tat frei mer eis oh,
des nimmet mir allat ganz gera o.
Zum Schluss all deane, dia mer vergesse hand:
Mir saget a herzlich´s „Vergelt´s Gott“ beinand.

Jetzt wünsch mer eich Glück und Gsundheit allzeit
und dass eich´s nuie Johr recht gfreit.
Uibr Vorstandschaft